Hawto ka jinglong bad rukom leh ki Kristan ha Meghalaya Ka lah kylla long kum ki Khliehbiej hindutva ha India?

Ka Thma U Rangli-Juki (TUR) ka pyrshah tyngeh ia ka jingleh Jong ki nongshongshnong bad ka dorbar Jong ka shnong Madan Iingsyiem Mylliem kiba la pyrshah ia ka jingthang ia ka met jong I Bah Kulam Nongrum (President Sengbah ki Nongshad Nongkheiñ) bam kwai-ha-dwar-u-Blei, kat kum ki rukom Leh niam ka Niam Khasi. Tang haduh da lah rai ki bor synshar ka District bad ynda da lah tyrwa jaka ka Seng Khasi Hima Mylliem baki bahaiing bahasem i Bah Nongrum ki la lah ban thang ia ka met jong i. Ka jingleh donbor jong bun ki nongshongshnong Kristan kala pynlong ba ha kum kane ka khyllipmat, ha kaba iba la khlad I dei ban ioh ia ka burom, I la iakynduh pynban da ka jingshahlehbeiñ bad kane ka pyni ruh ia ka jingshahbanbeiñ kiba bad ñiam Khasi ha Kane ka jylla.

Kum kane ka jingleh pyrshah is kiba long niam Khasi ha kato ka jaka lah don ruh kumba arphew snem ei ei. Kane ka la pynlong ruh ia ki ba long niam ban shu tep la ka tep ia ka met kiba ieid kiba thoiñ, ka jingleh kaba long pyrshah shisha ia ka jingngeit jong ki.Ka long ruh ba haba u Lyngdoh da lade u la kyrpad ia ka shnong ban ai jaka bad khyndew ban pyndep ia ki jingleh niam, u lah shah ai pynban da ka civil suit. Ha u September 2016, ki nongshongshnong ki la pynjulor ia ka khyndew ba lah buh khnang na ka bynta ki Niam Khasi, haduh ba kym shim lah shuh ban leh niam khyndiat ruh. Mynta, haba ki bahaiing bahasem I Bah Kulam Nongrum ki khlem ioh jaka ban pyndem ia ki jinglehniam,ki la phai sha ka Seng Khasi, kaba lah ai jaka ruh ia ki ha ka Iing Seng.

Women protest the traditional funeral – Screengrab from RILUK

Ka TUR, kum ka seng kaba ngeit ha ka jinglaitluid bad ha ka hok Jong baroh ki jait niam, kala ialeh pyrshah ia ki jingshahbanbeiñ jong bun ki niam ba barit paid, hapdeng ka jingleh donbor jong kane ka sorkar BJP kylleng ka Ri India. Ngim lah da lei lei ruh ban shu peit ha jylla lajong haba ki riew niam Kristan ki leh beiñ bad leh jot ia kiwei ki rit-paid ha ri lajong.

Cremation – Screengrab from RILUK

Ka long kaba kongsan ia ki paid Kristan babun ka jylla ban ban ym long bad leh ki kam kum ki paid Hindutva ha ka ri India. Ka Meghalaya ka lah ban long ka Jylla ba bun ki paid Kristan tangba kam shim dei ka Jylla ne Ri Kristan. Ka dei ka jylla kaba pdiang ia baroh ki jait niam, kat kum ba lah bthah da ka Constitution jong ka Ri India. Ngim dei ban ailad ia u khiangjingpang jong ka jingisih jingiashun ia ki niam ba pher na ngi ban pur bad im.

Kane ka jingjia ha Mylliem ka kdew ruh ia ka jinglehdonbor jong ka dorbar bad u rangbahshnong. Ha kane ka liang, ka TUR ka lah ju kren pyrshah teng ia ka jingleh heh bad ka jingshim kabu ki dorbar ha ka kyrteng ka dustur Khasi. Kaba donkam mynta ka long ka VAB kaba pura , kaba long democratic bad kaba buh ruh ia ki kynthei ha ka juh ka kyrdan kum ki rangbah ha ki dorbar.

Raiot

Subscribe to RAIOT via Email

Enter your email address to subscribe to this blog and receive notifications of new posts by email.

Join 15.7K other subscribers
Raiot Collective Written by:

We are many, we are one.

Be First to Comment

Leave a Reply