Tiew lalyngi pep shad

Tiew lalyngi pep shad
Ba la shah teh lakam
Da ki kti thombor ka por.
Map i kyrpad;
Khosiew ha snieh pyrthei,
Ki ummat ksiar i pynjaw.

Katba ki aiom ki iai tyllun,
I phuh samrkhie-
Mynta ba dag iohi ia ki sur myllung.
Ka mariang ka bym ju thok.

Mynder u pyrshang kner;
Ia ine i khun rangli ka mei ramew.
Hynrei u sep ei, namar ki thied
Ki suh sieng shaduh ki thwei ka pyrthei.

Tiew lalyngi pep shad
Ba la shah teh lakam
Da ki kti thombor ka por.
Map i kyrpad,
I angnud ba i pep
Ia ka sngi leh sngewbha
Ki jingthaw kyrpang
Ba kup laper
Da ki rong Burom jong
Kane ka iing basa.

Ynda la rangbah-

Dohnud ba lah shroin.
Shu ap tang ka por
Ban pyn nii bad
Ban beh da ka lyer
Sha ri ki snaiap.
Ym don jingkyrmen,
Ym don shuh ki sur myllung-
Ban pyn phuh samrkhie
Ia ka dur ba la tap tang
Da ki jingkynmaw kthang.
Lah biang kane ka jingiaid
Ban shem jingstad.
Ka shu ialam tang ha ki apot
Ha ki snar ba teh kynjri
Ia une u moina ha ruh met
Bad kaba shu kular
Tang ia ki jingphohsniew.
Liah.

Raiot

Subscribe to RAIOT via Email

Enter your email address to subscribe to this blog and receive notifications of new posts by email.

Join 15.7K other subscribers
Nongniah Kali Written by:

Look for me near fire-brigade. I also sometimes walk.

Be First to Comment

Leave a Reply