Katba ka pyrthei baroh shityllup ka dang ialeh ban wad ki lad ki lynti ha ka ban pynduh pyndam ia ka jingshitom khlam Covid-19 bala wan lyngshop bad shim ia ki mynsien briew khlem sangeh naduh ba kala sdang haduh mynta. Ki stad saian jong ka pyrthei ki trei borbah bad miet bad sngi ban shem ne ioh ia ka dawai ban pynkhiah na kane ka khlem hynrei tad haduh mynta kaba shem ne ioh dei tang ka dawai tika (Vaccine) ban iada na ka jingpang ne ban pynduna ia ki jingshitom lada bit ia ka khlam.