Nga Dei I Spelity Lyngdoh Langrin

Katba ki khynnah, kum ki menshohnoh buaid ‘iad tangsnem, ki dang pjiar snam ia ka mynta nga la iohi ia ka lawei;
Katba ki khynnah ki dang jawdud ia u maw-bor nga la suh thied ha ka jaka ki iawbei.
Ngam ithuh ia ki rong ka pyrthei jong phi
Naba ki thaba pang khmat,
Ngam shad ha ka jingriew ka pisa jong phi
Naba ki shkor ki suh sat.
Nga dei u ‘tiewlyngksiar ha ki khlaw ka jinglong khynnah jong nga,
Nga dei ka kshaid ha ki riat ka jinglong samla jong nga,
Nga dei ka diengsoh ha kyrpong ïing ki khun jong nga,
Nga dei ka khla ha ka pyrthei ka jinglong tymmen jong nga,
Nga dei ka stieh – nongtymmen ki long dien jong nga.
Nga dei ka khla, nga dei u khlieng,
Nga dei u ‘tiew doh maw ha ri kyndong,
Nga dei ka ri kaba laitluid u ñi u kong;
Nga dei I Spelity Lyngdoh Langrin.


Featured image : Tarun Bhartiya

Raiot

Subscribe to RAIOT via Email

Enter your email address to subscribe to this blog and receive notifications of new posts by email.

Join 15,748 other subscribers

Donboklang Ryntathiang has his roots in a remote village in West Khasi Hill called Wahrit. Hestarted playing music while he was in class 9 and in 1999 he along with four friends formed a band called 'Snow White'. Since his interest had always been music, he started writing poetry only after finishing his MA. He is presently the bass guitarist of the band 'Snow White' and is an Assistant Professor in English at Seng Khasi College.

One Comment

  1. Christine Rani
    June 6, 2021
    Reply

    Beautiful writing.

Leave a Reply